Nisheedhi

         

          నలువైపుల నిశీధి 

           వీధి వీధి నిశీధి 

     చీకటి తెమ్మెరల ఆవలి అనంత నిశీధి         

        నిర్గుణం, నిరాకారం,నిస్తేజం మీ నిశీధి   

   రూపు తనలో కలుపుకున్నకారు చీకటి నిశీధి 

      తనలో నలుపు నిలుపుకున్న కాలవర్ణం నిశీధి  

   తనలో నిశబ్దం నింపుకున్న నిండుదనం నిశీధి 

        గాఢత అలుముకున్న గాఢా౦ధకారం నిశీధి 

    రంగు, రూపు కనుమరుగై ఏ రాత లేని నల్లపలక నిశీధి

       అస్తిత్వం పోగమంచై  ఆధ్యాత్మిక  అక్షరంగా మారిన నిశీధి 

    అతివ విసిగి వేసారిన వేదన ఈ నిశీధి 

        మృత్యువు ముసుగు మరుగున మౌనమీ నిశీధి 

     నిశీధి పయనం జీవన యానం  సరళ రేఖలైన 

                 బ్రతుకు చీకటి ఈ నిశీధి 

              ఆ నిశీధి నా చుట్టూ అల్లుకున్న వేళ 

         నాలో  అగోచరమైన ప్రాకృతిక  అచింత్యనశక్తి నిశీధి 

                  నిర్మల చిత్తం నాదైన నిశీధి 

                  మమేకమైన ఓంకారం నిశీధి