Adrustamaina Duradrustam

       దురదృష్టం మన వెన్నంటే ఉంటుందో 

       మన కంటే ముందు వెళ్లి మన కోసం ఎదురుచూస్తుందో  కాని 

       ఎప్పుడు ఎక్కడికెళ్ళినా మాకు  ఎదురౌతుంది 

       దేనిపైనా మక్కువ ఎక్కువ ఉండకూడదంటే 

          ఏమిటో అనుకున్నాము  

         మన మక్కువ దురధృష్టాన్ని కొత్త ప్యాకేజీలో

       అక్కున చేర్చుకునే ఉంటుందని ఇన్నాళ్ళకు 

         ఎన్నెన్నో శిశిరాల తరువాత తెలుసుకున్నాము 

        దురదృష్టం ఎదురైన ప్రతీసారి బాధను      

           అదిరించి, విదిలించి , అదిమి ప్రక్కకి  నెట్టేసాము  

         ఇది విధిలిఖితం దుఖభరితం తప్పని చరితం  అనుకున్నాము 

        అధృష్టం కూడా ఇలాగే ఎప్పుడో ఒకప్పుడు మన టైం బాగుందని 

          అనుకునేలా చేస్తుందనుకున్నాము   

       కాని కనీసం యాధృఛికంగానైనా  అదృష్టం 

            ఎప్పుడూ  ఎదురుపడలేదు  స్నేహమా  

       అయినా తమరు  మాకు  ఎదురోచ్చారు   

           తమరిని  ఏ  కోవకి చేర్చాలో అర్ధం కాక సతమతమయ్యే  మాకు  

        తమరు  నేడు మాకు రెండూ ఒకటేనని తేల్చిపడేశారు    

       అందుకే  ఇప్పుడు  అదృష్టం ఎదురవలేదని బాధపడము  

       దురదృష్టం ఎదురైందని  వ్యధచెందము   

       నిశిలో మినుగురుని  వెతికినట్లు 

       బాధలో సంతసాన్ని వెతుక్కుంటాము   

        ఎప్పుడైనా అదృష్టం ఎదురైతే సంతసించము  

        దాన్ని పరిహసిస్తాము నువ్వు దారి తప్పి 

        మా దారికి వచ్చావేమిటని  

        నీ దారి కలియుగాన అడ్డదారి కదా 

        మరి రహదారిలోకి వచ్చావేమిటని            

        బాధ, వెలితి కూడా సుఖాన్ని అందిస్తూ  

        పొగమంచులా కరిగిపోతున్నాయి 

        తమరి రాక ఒక్క వసంతాన్నే తెస్తే బాగుండుననుకున్నాను 

        కాని శరద్ శిశిరాలని కూడా తెస్తుందనుకోలేదు                                                          

        అయినా  ఎప్పుడు మాకు ఆమడ దూరంలో ఆగిపోయే ఆనందం                                

        ఇలా అన్ని,రుతువులన్నీ, అన్నీ వసంతాలే  అయి మాలో తమరి రాక    
          ఋతురాగాల  మేళతాళాలని పలికిస్తుందని అనుకోలేదు.  

                   
                                    Group  Therapy