Love Addiction

  నీ కోసం దిగంతాలు చేరాలనుకున్న నేను 

     నానాటికి దిగాజారిపోతుంటే 

  చేరువ కావాలనుకున్న జీవితం చేజారిపోతుంటే                          

     నాకు తప్ప మరెవరికి వినిపించని 

   వ్యథాకళిత తంత్రుల శబ్ధరాగం  

  ఈ ప్రపంచ రోజువారి హోరులో 

    నిశబ్ద రోదనగా మారి కలిసిపోతుంటే 

  కేవలం నాదేనని నే  భ్రమించిన నీ ప్రేమ దానం 

నా చిరు ఆశా దీపం ఎన్నడు ఆరిపోతుందో తెలియని 

  భీతి యుక్త సందిగ్ధం నన్ను వెన్నాడుతుంటే 

 తియ్యని మాటల వలలో చిన్ని చేపని నేనేనని   

తిరిగి నీటిని చేరగల చేవ లేనిదానినని                                                                                           

వల నన్ను వీడినా ఒడ్డున పడికొట్టుకుని 

  అల్లాడే పిచ్చి మానసం నాదేనని

చేపని చెరువులోకి చేర్చే చేయే లేదని నీకెలా తెలుపుకోను

   మూర్ఖంగా నన్ను నేను శిక్షించుకుంటున్నా  

నిలువునా శిలువ వేసుకుంటున్నా 

                           మనశ్శాంతి కరువై విలపిస్తున్నా 

రెప్ప చాటున కలల కౌముది                       

  కరిగి నీరై ప్రవహిస్తున్నా                                 

అన్ని విధాల నష్టపోతున్నా 

  నిస్సహాయంగా అన్నీ భరిస్తున్నావు 

      ఎందుకని అడిగావు గుర్తుందా ?

   

సామాజిక బంధాన్ని , దైహిక బంధాన్ని మించి 

    మానసిక అనుబంధం ఎంతో విలువైనది 

అపురూపమైనదనే భావమో, భ్రమో చేత 

ఈ జీవన యానంలో నా కథ ఏ మలుపు తిరుగుతుందో 

              ఈ జీవన నాటక రంగం పై   

            నా పాత్ర ముగింపు ఎన్నటికో                                    

                                                              ఇక ఉంటాను 

                                                             ఓ ప్రేమ పిపాసి 

     

        

                             LOVE  ADDICTION  THERAPY