లోకానికంతా ఓ సాధుమూర్తి
పచ్చని బయలు విందుల బ్రతుకు
సర్వము సమాంతర రేఖయైన
జీవన గమనము నిత్యానందము
ఉవ్వెత్తున లేచిన ఉద్వేగ కేరటము
ఆగంతకుని ఆగమనము
ఉత్తుంగ తరంగములు
ఆటు పోటుల మధ్య ఘర్షణము
సమ్మోహ దిగ్బంధ వశీకరణములు
ఆ కనుదోయి వీక్షణములు
ఎన్ని పద్మపత్ర దళాయతాక్షాలను
కవ్వి౦చెనో కడగండ్ల పాలు చేసెనో
ఆ నేత్ర పుంజములు
మనస్సు ఓ మౌన తటాకం
అందలజడి రేపు చెకుముకి రవ్వలు
ఆ నేత్ర విధ్యుద్ద్రువాల ధనారుణాలు
రాపిడికి రాజేసిన అనంగుని అగ్నిశిఖలు
మరిగిన వాసనా రుధిరం
వికసించిన ఓ ముగ్ధ మందారం
ప్రకృతి ఒడిలో పరవశించుదువేమి
అలరింతు నిను మురిపింతు
పచ్చని పచ్చికయందు ఒలలాడి౦తు
మాధ్యమమే లేని మధుర భావనలు
నీ మస్తిష్కం నుంచి నా హృదికి
పయనం చేసిన తెల్లని తురాయిలు
కడలిని దాటడం, ఎంతటి నిర్హేతుకం
అయినా ఎంతో ప్రతిభావ౦తం
ఎంతెంతో కమనీయం
మరెంతో చిత్రాతి విచిత్రం
నిను నమ్మి యాంత్రికంగా
నడయాడు కాలి అందెల యందు
నీ ఆజ్ఞ శిరసావహము
అస్వతంత్ర ఆనందాలాపనము
ఇచ్చోట నేనోచ్చు దాక వేచెదవు
విప్పారిన నేత్రాలు,
విసిగిన ఎదురుచూపులు
విసిగిన ఎదురుచూపులు
వేడి నిట్టూర్పులు, అరజారిన కన్నులు
కన్నీటి అలలు, చెదరిన మృదు మధురోహలు
నీవు చెంతలేని దినములు
కఠినాతి కఠినమైన యుగములు
అదిగో తిరిగి వచ్చేనా శీతల పవనము
మదిలో ఏదో కలవరము
నింగికెగసిన తృష్ణోష్ణ తరంగము
" నేడే నీకు నా దిగ్భంధన నుండి విముక్తి
" నేడే నీకు నా దిగ్భంధన నుండి విముక్తి
ఏగుము నీ లోకమునకు త్వరితిగతి."
ఆగంతకుని ఆ పదములు ఉల్లమునందు
శరాఘాతములు, రుదిరాశ్రువుల స్రవంతులు
గోమూర్తి శోకతప్త పలుకులు ధుఃఖేటికి
ఎదురీది బయల్పడి విల విల లాడు మీనములు
నిను వీడి వేరు లోకంబు తోయుట లేదే
దయుంచి నీ భ౦ధమునన్ నిలుపుకోనుమా
ఈశా అని వేడుకోనేనా గోముర్తి
అశ్రుతప్తశోకమూర్తియై
నాదు విద్య బరీక్షింపగా
గాయానికి ప్రతీకార లేపనంగా
ఎన్నడు నిండని , తీరని అఘాధార్తికి ప్రతీకగా
నేటి వరకు ఎన్నిటినో ఎన్నెన్ని ప్రాణులనో
పాశానుడనై ఈ విధాన పీడి౦చితిని
అందు నీవు ఒకటైన ప్రాణివి
నీ దారి నీవు చూసుకోనుమా
నీ దారి నీవు చూసుకోనుమా
అని హూన్కరించేనా నిర్దయుడు
ఓం శా౦తి: ఓం శాంతి : ఓం శాంతి:
HYPNOTHERAPY
ఓ చిన్న విన్నపము మర్త్యుడా తెలిసిన విద్య తేరిపార పరిక్షించుకొనుము
నీదు వీక్షణముల తోడగాని
ప్రతీ ఒక్కసారి నేనే గావలె నీ పరీక్షకు
బలిపశువున్ ఈ భువిన్ !
నేను అనుభవించు వ్యథ నే ప్రాణి నీ అవనిన్ ననుభవింపవలదని దలంచి నా ఈ
విషాద వీచికల మాలికలు నీ పాద పద్మములకు
నేగడులై నిను దహించునేమోయని
ఆ నీ వ్యథాకలిత కల్లోల అరవింద దళాయతాక్షులను తల౦చుటకే భీతిల్లుచూ
నీ డెందము ఎల్లకాలము ఆనందడోలికలూగవలెనని
ఆ జగత్ వశీకరుని, కృపాసాగరుని
నిరతము వేడెదనని నా ధుః ఖిత చనియె
అహో అజ్ఞానమా ! విద్యా , ప్రేమా
అందేది ఆధిక్యత గల దిగ్భంధ , సమ్మోహ వశీకరణ శాక్తేయములు
కా౦చుటకు నిరర్ధకమగుట ఎంతటి
విధి వైపరీత్య దురదృష్టములు
ఎచటి కేగెనో తన మనో స్థితి పరిణతి చెందినదో
మనోవ్యధనందే జీవిస్తున్నదో
ఎవరు గా౦చేరు స్కంద గిరీశా !
సర్వాధిసాక్షీ భూతుడైన దైవానిదా ఈ తప్పిదం
విధి విరచిత విచిత్ర సాదృశ్యానిదాఈ ఘోరం
బలహీన చంచల నీతి బాహ్యమైన మనస్సుదా ఈ నేరం
ఎవరీ కలికాటి వికృత నాట్యానికి
తీర్పునందించే న్యాయాధీశులు సర్వేశా ?
ఓం శా౦తి: ఓం శాంతి : ఓం శాంతి:
కామెంట్లు లేవు:
కామెంట్ను పోస్ట్ చేయండి