AMMA

తన ప్రపంచమంతా అమ్మే  అయిన నాడు  


అమ్మకు గుర్తింపు లేదు 


గుర్తిoచిననాడు  తనకు అమ్మలేదు 

Ammavaaru

లోకమంతా  అమ్మే ఉన్నా 


తనకి నీ గుర్తింపు లేదు 


తనని గుర్తిoచిననాడు  నీకు  అస్థిత్వమే లేదు 


అస్థిత్వానికై నీకు తాపత్రయమే లేదు 


అసతోమా........ అమృతంగమయా 

Saannihithyam

 
         ఓ కన్నీటి బిందు రూపమా, చెక్కిలిపై నువ్వు జారుతుంటే 


                 నా నయనాలు ఎరుపెక్కుతున్నాయి ఎందుకు?


        నువ్వు వాటిని విడిచి దిగంతాలకు పరుగు తీస్తున్నావనా ?


         
           ఆర్ద్రతతో నిన్ను తిరిగి రమ్మని పిలిచినా 


             అధోపాతాళానికి జారి నువ్వు


             నీ  అస్థిత్వాన్నే నాశనం చేసుకున్నావు


        మల్లీ    నన్ను చేరే అర్హత నీకెక్కడిదని వాపోతున్నావా
    
             నా తప్త హృదయ ప్రతిబి౦బమా ?


          అస్సలు నా కంటినుండి వీడిపోయావెందుకే  కన్నీటి కెరటమా ?


         
       నాతో  విధి చేలగాటమాడి నన్ను అమ్మ అనే పిలుపుకి దూరం చేసిందని


             జాలితో ఓదార్చాలని నీ ఉనికినే  మాపుకుంటున్నావా  


                     ఓ అమాయక బిందురూపమా ? 




        నా జీవితాన నా తల్లి తో  సహా అందరు నన్ను మోసగించారని 


        నన్ను ఒంటరిగా ఒదలి వేసారని తోడుగా ఉంటానని 


        నా చెక్కిలిని  స్ప్రు శిస్తున్నావా   ఓ  మూగ నేస్తమా?






           వ్యర్ధంగా ఇంకెన్నాళ్ళు  బ్రతుకునీడుస్తావని 


           అనంత విశ్వంలో నా ఉనికీ 


           ఓ అసాశ్వతమైన  బిందువేనని 


            అందులకే నన్ను శతకోటి కోటి బిందువులను వీడి ఒంటరిగా బ్రతుకు పోరాటం సాగించి 


           నీలాగే  నా అస్థిత్వాన్ని  వీడమని సందేశానిస్తున్నావా  ఓ నా కన్నీటి బంధు రూపమా? 






             మనసoటూ  లేని  నేను 


              కేవలం నీటి రూపమైనా , అంతర్వాహినినైనా  


              నేను అనంతవాహినినై  ఉప్పెనలా  ఉప్పొంగి 


               నీ చెక్కిలి మైదానం పై  నిరంతరంగా కాకపోయినా 


               నీలో బాధ మెదిలితే చాలు మురిపెంగా ప్రవహిస్తాను 


               నీలో భాగంగా నీతో కలకాలం మిగిలి ఉంటాను 


                మరి మనసున్న మనుషులకంటే  


                నేనే ఎంతో మేలు కదా అని న్యాయ నిర్ణయం కోరుతున్నావా 


                నా నయన  మేఘ  వర్షమా ? 
       
                                                                                                    ఓ అనాథ                                                                    
                                                                                       కే రా ఫ్  అనాథ శరణాలయం


                               ORPHAN AND DESTITUTE THERAPY 

          
          


         
       


       
            

NENU

గోళాలని నడుపుతున్న కక్ష్య రేఖలా 


సరళరేఖలని కలుపుతున్న ఇన్విసిబల్ ఇంక్ గీతలా 


మేధస్సులను కలగలుపుతున్న క్వాంటం కాంతి రేఖలా 


మనస్సులని ఏకం చేస్తున్న మౌన గీతంలా 


తలరాతలని మమేకం చేస్తున్న నుదిటి గీతలా 


జీవనోదయస్సoధ్యలను లయింప చేస్తున్న జన్మ పునర్జన్మ  వృత్తరేఖలా 


ఆత్మలని  సమైక్యం  చేస్తున్న భగవద్గీతలా


 మజిలీల నడుమ  అగుపించని  అస్థిత్వం 


ద్వందాల మధ్య కనిపించే వ్యక్తిత్వం 


కనిపించీ మురిపిoచీ కనుమరుగైయే  మిధ్యా ప్రపంచ మనస్థత్వం   


ఎక్కడ  జీవన స్థిరత్వం ?  ఎందులో  జీవితానందం ? 


తెలియని  నేను  ,  మోత్తంగా  నేను ,

నాలో నేను, ఎవరికీ అర్ధం కాని నేను 


నను నడిపించే  హస్తంకోసం వెతుకులాడే  నేను ,


దరికి  రాని  తీరాల చేరువ కోసం ఆర్తిగా ఎదురుచూసే  నేను 


నాకే  తెలియని నేను - అంటున్న నేను ,  మరి ఎవరా నేను? 


అచేతన దాని పేరట , ఫ్రాయిడ్ దానికి తండ్రట.    

తెలుసా మీకు 

                కొంగులు 

                                 నవ్వు మువ్వల సవ్వడులు చేస్తాయి 

                                    అలల సమీరాలై నటిస్తాయి 

                                       ఆకాశంలా వర్ణాలు  అద్దుకుంటాయి

                                           మెత్తని గులాబి రేకుల స్పర్శను అందిస్తాయి 

                                                  మరుమల్లెల పరిమళాలను విరజిమ్ముతాయి  

                  నువ్వెప్పుడైనా 

                                               

                                          ఆ అలికిడి విన్నావా ?

                                            ఆ నాట్యం తిలకించావా ?

                                               ఆ పరిమళాన్ని ఆఘ్రానించావా ?

                                                     

               

               కొంగులు 

                                              మదిలో కొంగొత్త కోరికల తాళం వేస్తాయి 

                                                వెచ్చని వలపుల వైనం వివరిస్తాయి  

                                                 తర తరాల సంస్కృతికి ప్రతీకలై 

                                     నిన్నటికి , ప్రస్తుతానికి , రేపటికి ఆనకట్టలు కడతాయి 

                     

                                              కాయ కష్టక్షితి  సుగంధాన్ని పులుముకుంటాయి 

                                                 కరిగి కన్నీరైన వ్యథాకళిత గాధలు వినిపిస్తాయి 

                                                     అలసి చెక్కిట జారే స్వేద సుధా బిందువులని  

                                                         ఆర్ద్రత తో  ఆలింగనం చేసుకుంటాయి

                                                             నొసట జారే కుంకుమ రేఖలను సరిదిద్దుతాయి 

                                             ఛత్రచామరాలై  శీతల వర్షాన్ని ఆపుతాయి 

                                       రగిలే సహజాతానికి నుని సిగ్గుల ఆహ్వానాన్ని పంపుతాయి 

                                  కన్నీరు మున్నీరైన పసితనపు  ధుఖాన్ని అద్ది హృదికి హద్దుకుంటాయి 

                               పసి గమ్యాలై , కన్నెకోరికలై, మాతృత్వపు వేదికలై ఆడతనాన్ని చాటుతాయి   

                          పసి అంగాలని లంగోటిలై రక్షిస్తాయి 

                            తుండు గుడ్డలై దుమ్ము దులుపుతాయి 

                               భాగీరథీ స్రవంతులై మలినాలని కడిగి వేస్తాయి 

                                                ఒద్దికైన గోదావరి  అందానికి ప్రతిరూపాలై చిలిపి సరాగాలై 

                                              స్పందించే మనసుకు రసజ్ఞ ప్రాకృతిక  కావ్యాలై మురిపిస్తాయి 

                                                నవరసాల మాలికలై ప్రపంచాన కళాకండాలై అలరిస్తాయి

                                             సుస్వప్న గీతికలై మురిపిస్తాయి కలల కౌముదిలో కరిగిస్తాయి 

                                                 ఊహల ఊయలలో ఊరేగిస్తాయి

            ఇన్నిటిని ఎప్పుడైనా ఆస్వాదించావా ? 

        

               కొంగులు  

                     

                             వృ షివరులకు తపోభంగం కలిగిస్తాయి 

                        అత్యున్నత వ్యక్తిత్వ పు సౌరభాలు వెదజల్లుతాయి 

                             తత్వ దర్శన నీడలలో మోక్షానికి బాటలు వేస్తాయి 

                          బీడు వారిన జీవితాలకు క్రొత్త చిగురు పూతలు పూయిస్తాయి

               దాహార్తితో చేరదీసిన వారికి అమృతాన్ని పంచుతాయి త్యాగాన్ని చవిచూపిస్తాయి  

                                            కొంగులు కళ్యాణ తోరణాలై 

                                 కౌటుంబిక శుభోదయానికి నాంది పలుకుతాయి 

                అమ్మవారి  శక్తి రూపాలై  వంచన, దోపిడి, అవమానాలను ఎదురుకుంటాయి

                                         స్త్రీ అస్థిత్వాన్ని నిలబెడతాయి 

                                                 తస్మాత్  జాగ్రత్త జాగ్రత్త   

                      

   

                               

     

                 

                                  

                                                      

    

                                  

Achetanaajeevitham

    చిన్నప్పటి  చందమామ కథలు

    రాజులు, రాజకుమారులు, రారాణులు, 

    యువరాణులు, ఎంతైనా  ఆఖరికి గెలిచే ప్రేమ 

    వింత వింత లోకాల సరికొత్త వింత కథనాలు

    అన్ని ఎక్కడికి పోయాయి? 

    ఎక్కడికీ పోలేదు అచేతనలో  నిక్షిప్తమైపోయాయి  

    ఎవరి  హెచ్చరికలు లెక్క చేయని దైర్యం 

 దొంగతనంగా అందింది అందిపుచ్చుకునే నైజం

నిర్లక్ష్యంతో ముందుకు ఉరికే సాహసాల సాంగత్యం  

శ్రమను ఈసడించి సౌఖ్యాన్ని ఆలింగనం చేసుకునే బద్ధకం     
చిన్నికృష్ణుని చిలిపి చేష్టలకు ప్రతీకం 
                    ఇడ్         




 దేవుడికి  దణ్ణం ఉండ్రాళ్ళ మీద చూపుతో మొదలై 
అమ్మ నాన్న నేర్పిన విలువలు మూటగట్టుకుని 
పాఠశాలలో ఆరగించిన చద్దన్న౦లా
  మోరల్ సైన్సు నేమరువేసుకుని 
నైతిక శాస్త్రం , ఆధ్యాత్మికతా  ఆకళింపు చేసుకుని 
ఆదర్శాల బాటలో పయణి౦చాలనే సంకల్పం
విలువల కోసం శ్రమ పరిధిని దాటి 
 తర తమ భేదం మరచి నిస్వార్ధాన్ని పూని 
        సేవకై నిలిచే నైజం 
 అన్ని కలగలసిన సూపర్ ఇగో   




రెంటి మధ్య సమతుల్యం 
ప్రాక్టిక్యాలిటి దీని నామధేయం 
దినచర్యకి అనుగుణంగా మెసలే ప్రాణం    
డబ్బుకి, జబ్బుకి దాసోహం  
అవసరం మేరకే శ్రమించే నైజం 
నిరంతర కష్ట నష్టాల సముదాయం 
                  ఇగో 


జగత్ గురువు బోధించిన తామసిక , రాజసిక, సాత్విక 
స్వభావాలకు నమూనాలు 
ఇడ్, ఇగో, సుపర్ ఇగోలు    


ఇడ్ నేనే అంతా అంటే 
సూపర్ ఇగో నువ్వెంతా దేవుని పాదరేణువంతా  అంటుంది 
ఇగో  స్టూప్ టు కాంన్కర్  అంటుంది  
మనో విజ్ఞాన శాస్త్రం మన జీవితమంతా
 చేతనా అచేతనా ప్రేరణాపూరితం అంటుంది 
                                                                        Psychoanalysis     

Sigmund Freud  

                                                                   

                                                             

                                             

colors

ప్రపంచం అంతా  రంగులమయం                                    V

తెలుపు నలుపుల సమాగమ౦    

ఇంద్రధనస్సులో  రంగులన్నిటికి 

తెలుపు నలుపుల మధ్యే నిలయం                                  I

ముదిత పలు వన్నెల గాజుల వలయాలు  

ధ్యానంలో  కనుబొమల మధ్య రంగు రంగుల వృత్తాలు    B            
వశీకరణకు ఆరంభాలు   

చినుకు స్పటికంలో విడివడిన సూర్య కిరణం 

ఆకాశానికే  రంగు రంగుల ఇంద్రధనువుల తోరణం           G

పడతి సిగలో అల్లుకున్న మరుమల్లెల తెల్లదనం

భామ దరహాసంలో వెల్లివిరిసే తియ్యందనం  

శరత్ చంద్రికల హాసంలో విరిసే వెన్నెల చల్లదనం              Y 

ఎగిరే తెల్లని శాంతి కపోతం 

ఆద్యాత్మికతకు చిహ్నం తెల్లదనం 

స్వచ్చతకు మారుపేరు ఈ తెల్లన్ దనం 

నల్లని కారు మేఘ వర్ణం 

చిలిపి కృష్ణుని సోయగం 

శ్రీ రాముని తనూరవర్ణం  

నిశీధి రేయి గాడా౦ధకార వర్ణం                                     o                                

అలివేణి కురుల నల్లదనం   

జ్యోతిర్లింగాల నల్ల౦దనం 

నల్లని ధన౦ నల్లధనం   

మంచి చెడుల , తెలుపు నలుపుల 

కలయికే  ఈ ప్రపంచం 

మంచి చెడుల వ్యత్యాసం  కఠినం                                     R 

మధ్యస్థంగా వివిధ వర్ణాలలో , ఎన్నెన్నో శాతాలలో 

మంచి చెడుల మిశ్రమం 

                                                                            

                                                                          

కలకంఠి కనుపాపల వెలుగు నీడల స్వప్న వర్ణం       B & W

తెలుపు నలుపుల మేళనం

జగతికే అగుపించని ఓ వరం          

Telugu velugu

     తెలుగు వెలుగు వెలుగును కలకాలము

     రారాజులు  రాలిపోయినా 

      రాజ్యాలు సమసిపోయినా 

       విప్ర పండితులు వైదోలగిపోయినా 

       నా ఆంధ్రావని నాగేటి చాలు 

        పండించు తెలుగునాట రతనాల 

        తేటగీతి సమాహార  మాలికలు   

         నా తెలుగు తల్లి యద  శోభిల్లగా  

          తన కావ్య క్షీరాబ్ధి  రాజిల్లగా 

          తెలుగు తనయుల సాహిత్యార్తి   సేదదీర్చగా         

      

Tobuttuvulu

మాతృమూర్తి  ఒడి పంచుకున్న పసితనం  







               

  


 చిలిపి  తగవులలో ఆధిపత్యం 


  కలిసి  మెలిసి ఆడిన ఆహ్లాదం  




                   

             
   ప్రతీది పంచుకున్న అన్యోన్యం  


                

              అమ్మను విసిగించిన వైనం 

                 

                                                                                                                                                                                                        
చేయి చేయి కలిపి బడికి వెళ్ళిన కాలం 
      
   మాస్టారి బెత్తం తమలో ఎవరిని వాయించినా


                 మధన పడ్డ హృదయం 

      


  ప్రతి ఒక్కరికి నా తోబుట్టువని పరిచయం చేసిన 


                            ఆనందం 

    పెరిగి  పెద్దదయి అనురాగ వృక్షమై విస్తరిస్తుందనుకుంటే 

    చెల్లాచెదరైన శకలాలై , గూడు  చెదిరిన పక్షులై 

    మమతాను బంధాలు మరచి  బాధ్యతకు వెరచి  

    పెంచిన ప్రేమను పంచుకోలేక విడచివేస్తున్న 

    తోబుట్టువుల  నిరర్ధక జీవనయానం 

                         మన అధునాతన సమాజ గమనం 

                                                                  

MANASA GANGA

     


 బ్రహ్మ కమండలంలో నిండిన వేళ దివ్య గంగ 

       

         దివి నుండి భువికి దిగి అమరనాధుని  సిగలోభంధింపబడ్డ  వేళ  శివగంగ 

 దేవలోకాలలో విహరించే వేళ ఆకాశ గంగ       

పరవళ్ళు  త్రొక్కుతూ అర్థనారీశ్వరుని బాహువుల్లో 


          ఎగసి ఒదిగిన వేళ   భవానీ గంగ   


         

      

     
  మృత్యువుని  అమరత్వం  వైపు  నడిపించు 


                      అమరగంగ  

         స్వచ్చమైన  శ్వేత జలధారలు ధరణిని  సశ్యామలం చేయ అన్నపూర్ణ  గంగ 
   

                                         

   హిమశిఖరాన మేఘధారలు కురువగా కరిగి 

                   ప్రవహించిన

                                ఆర్ద్ర గంగ    

                                     

  


     బాధాతప్త  హృదిలో  ఉప్పొంగిననాడు  భావగంగ                          

                   
                     తమస్వినీ కుహరాల  పతితుల పావన మొనర్చ 

                                           పుణీత గంగ   

    

కవిత్వమై మనస్సులను అలరించిననాడు  మనోగంగ 

         శరత్జ్యోత్స్నాలలో  కడలిరాపట్టిని తన  జలస్రవంతిలో  ప్రసరించిననాడు 


                                            మనోజ్ఞ  గంగ