MOUNA RAAGAM

        మౌనరాగం                              

  

      సుదూర  తీరాన 

    సుమధుర  స్వరం 

      వీనుల విందై 

          అలవోకగా 

        అలల అలజడై  

 అరకూర్చిన శ్రావ్య శబ్ధములై  

        పదరవములై 

  మృదుల ప్రశ్నావీచికలై  

     మానస గీతికను అలరించగా 

               గైకొనుడు 

     పల్లవించే నిశబ్దనమస్సుమాలు 

                         

   నయనాలు గాంచని చిత్రం  

        జ్ఞానే౦ద్రియాలు తెలుపని భావం 

     హృదయ స్పందనలో దాగిన ఉద్వేగం 

        ఉవ్వే త్తున ఎగసిన ఆలోచనా తరంగం 

       

          చిత్రవీచికలై  అంతర్వేదియై అంతరాళంలో 

      ఒక అంతరంగం నుంచి మరో అంతరంగానికి 

                        పయణి౦చే 

                 సాదృశ్య మాలికలు  

       మనోఫలకంపై చిత్రించబడ్డ విచిత్ర చిత్రాలు 

               మదిని డోళికలూగించగా

                         గైకొనుడు 

                  నయనాలు గాంచని 

                              మనోహర చిత్రార్పణం 

                                         TELEPATHY

                                                                      

Vikreta

    కౌటుంబిక  అనివార్య భాగంగా 

    గర్భోదయ శిశు కమలాలకు  రవితేజస్సునై 

    బాల సుమ దేహాన్ని దిన దిన౦

      ప్రవర్ధమానం గావించి 

     జ్ఞాన బోధనతో బుద్ధిని వికసింపజేసి 

      నవ సమ సమాజానికి చేయూత నివ్వాల్సిన వేల 

       ఫలించనున్న కుసుమాన్ని

     రంగు కాగితాలకై అమ్ముకునే

          మాత్రుమూర్తిని నేను    

     సాటి స్త్రీని రూపంతో, డబ్బుతో 

         తూచే స్త్రీ మూర్తిని నేను    

    అలనాడు ఆశల ఆకసాన విహంగమై ఎగిరిన నేను 

       నేడు ఆశలు ఆర్ధిక సూత్రానికి 

      కట్టుబడి ఉండాలని తలచేనేను 

   అలనాడు తల్లిదండ్రులను అప్పుల పాలు చేసిన నేను 

      నేడు మరో పుణ్య దంపతులను జలగనై పీడి౦చే నేను 

    

   అలనాడు ఆత్మవిభుని  కొనుగోలుదారుని నేను   

      ఆత్మజుని  విక్రయించే విక్రేతను నేడు.  

                                                                     Once a VICTIM 
                                                                                            Later an OFFENDER 
                                                                                              In Our  Family system,
                                                                                                 Educational system etc.    

         

Hrudayaaravindamu

ఒకో మాటకు                                  

      ఒకో ఘటనకు 

 ఉప్పొంగి హిమాలయ శిఖరాన్ని తాకే 

 ఓ  చిన్ని సరస్సు 

  

మరొక మాటకు మరొక ఘటనకు 

    నులి వెచ్చగా విచ్చుకునే ప్రాత: కమలము 

                                      

    మరొక మాటకు మరొక ఘటనకు 

  చల్లని కిరణాలు వెదజల్లే 

      ఓ శరత్ చంద్రిక   

మరొక మాటకు మరొక ఘటనకు 

ప్రతిఫలనం చెందే ఓ  గాజు ఫలకం 

మరొక మాటకు మరొక ఘటనకు   

దూది పింజలా ఆకసాన తేలే 

      ఓ మబ్బుతునక       

మరొక  మాటకు మరొక ఘటనకు 

   స్వప్న లోకంలో విహరించే 

        ఓ స్వర్ణ విహంగం 

మరొక మాటకు మరొక ఘటనకు 

  చిలిపిగా తాకి హాయిని కలిగించే 

          ఓ గాలి తెమ్మర  

మరొక మాటకు మరొక ఘటనకు 

ప్రకృతి అందాలు ఆస్వాదించే 

     ఓ రసజ్ఞ భ్రమరం   

  మరొక మాటకు మరొక ఘటనకు 

 మానవత్వం ముంగిట మోకరిల్లే 

      ఓ కృతజ్ఞతా కుసుమం  

మరోక మాటకు మరొక ఘటనకు 

 ప్రత్యూష సౌజన్యంతో ఎరుపెక్కే 

   ఓ అరుణా౦బరం

 మరొక మాటకు మరొక ఘటనకు 

జడివాన  వెలిసాక ఉదయించే 

  ఓ రంగుల హరివిల్లు  

మరొక మాటకు మరొక ఘటనకు 

మేఘమాల  చిరుజల్లు  చల్లితే 

     పులకరించే అవని శోభ     

మరొక మాటకు  మరొక  ఘటనకు  

     విరహ గీతం ఆలపించే  

           ఓ  మౌనవీణ       

    

మరొక మాటకు మరొక ఘటనకు 

జయాన్ని ఒసగే  చిన్నారి

 విజయలక్ష్మి చిద్విలాసం 

మరొక మాటకు మరొక ఘటనకు 

 ఆశల మామిడి కొమ్మను అల్లుకునే 

   మృదులమైన ఓ మాధవీలత 

మరొక మాటకు మరొక ఘటనకు 

 అనురాగం అందించే ఓ అందాల అనురాధ 

మరొక మాటకు మరొక ఘటనకు 

  వసంతుని లోగిలిలో విరిసిన 

అమాయకపు కుసుమ ముగ్ధ 

      ఓ స్నిగ్ధ సీత  

ఇంతకీ ఏమిటది?                                           

    నా  హృదయారవిందము 

 అందుకున్న వారికి మధురానందము 

     పొందలేని వారికి విరహానందము 

ఎవ్వరికైనా ఆనందాన్ని ఒసగే 

  

                                   నా మది పుష్పము 

                                 దేవా నీకే సమర్పితము 

                               నా హృదిని నిలుపుకున్నా 

                                 నీ చరణారవిందములు          

      

Praakrutika Vinyaasam

     

   
               ప్రియతమా ఆకసమా,

                                     

                       నేను , ప్రియా నీ అవనిని.

         
       
        బీటలు బారి బీడునై  రోధిస్తున్న భువిని. 

        


  నన్ను క్రమ్మివేసే నీ మేఘాలేవి? 

నన్ను ముంచివేసే నీ వర్షపు జల్లులు ఏవి ?






  

         

 నన్ను ఉక్కిరి బిక్కిరి చేసే పవనాలేవి?

  

          నా ఆణువణువూ ప్రాకి స్పందింపజేసే 

                  నీ దరహాస మెరుపులేవి?  

                     

                      

      నా దాహం తీరేది నీ జడివానతో 

                               

  

నీ దాహం తీరేది నాలో పొంగే సముద్రాలతో 

  

        నా పై సాగే నదులతో 

  

                                  

       అహంకారంతో, వీర విజయంతో 

            నన్ను గెలిచాననే నీ ఉరుములేవి?

         

 మనిద్దరి సంగమ వేళ  

   నిను నాతో కలుపుతూ మనని    

     మైమరపించి  తరింప జేసే  వారధి 

               పిడుగు ఏది?

                                  అటుపిమ్మట తాదాప్యంలో తృప్తిగా 

                               మనని  క్షణకాలం నిదురింపజేసే

                                    ప్రశాంత వాతావరణం ఏది ?

     ఇవే కదా కావలసింది సృష్టికి నాంది పలికేందుకు 

                 మరో ప్రాణి ఆవిర్భవించేందుకు 

                నీ భీజాన్ని నాలో నాటేందుకు 

  అది పెరిగి నా గర్భాన్ని చీల్చుకుని పైకొచ్చిన వేళ  

           

      నీ నీడన నా అండన అది పెరిగి

              మహా వృక్షమైన వేళ  

                           

        

    

  నాలో భూగర్భ జలం వృక్షనాళాలలో ప్రహించిన వేళ 

       అది పుష్పించి , ఫలించి లోకోద్దరణ చేసిన వేళనే కదా 

                       

 నా యొక్క,  నీ యొక్క  జన్మలు ధన్యములయేవి ? 

             

                                                                                                                

                                                             ఇట్లు 

                                                                                       మీ అవని 

                                                                                                                                                                   

                                                                                                                                                   

                                 

                                                                                                                                                  .    .                                                                                          

       

                                                                                                

                                                          

                         

Nisheedhi

         

          నలువైపుల నిశీధి 

           వీధి వీధి నిశీధి 

     చీకటి తెమ్మెరల ఆవలి అనంత నిశీధి         

        నిర్గుణం, నిరాకారం,నిస్తేజం మీ నిశీధి   

   రూపు తనలో కలుపుకున్నకారు చీకటి నిశీధి 

      తనలో నలుపు నిలుపుకున్న కాలవర్ణం నిశీధి  

   తనలో నిశబ్దం నింపుకున్న నిండుదనం నిశీధి 

        గాఢత అలుముకున్న గాఢా౦ధకారం నిశీధి 

    రంగు, రూపు కనుమరుగై ఏ రాత లేని నల్లపలక నిశీధి

       అస్తిత్వం పోగమంచై  ఆధ్యాత్మిక  అక్షరంగా మారిన నిశీధి 

    అతివ విసిగి వేసారిన వేదన ఈ నిశీధి 

        మృత్యువు ముసుగు మరుగున మౌనమీ నిశీధి 

     నిశీధి పయనం జీవన యానం  సరళ రేఖలైన 

                 బ్రతుకు చీకటి ఈ నిశీధి 

              ఆ నిశీధి నా చుట్టూ అల్లుకున్న వేళ 

         నాలో  అగోచరమైన ప్రాకృతిక  అచింత్యనశక్తి నిశీధి 

                  నిర్మల చిత్తం నాదైన నిశీధి 

                  మమేకమైన ఓంకారం నిశీధి          

      

Madhumehaanubhava Saaram

      మధుమోహ సాన్నిహిత్యం మధుమేహ ఆలింగనం 

          వంశపారంపర్య  జన్యు పరంపర కారణం

        Pancreas కి వత్తిడి ఎక్కువ  

         Insulin ఉత్పత్తి తక్కువ    

         Tablets ల నిరంతర వాడుక

   Diabetologists చుట్టూ అనవతరం ప్రదక్షిణ౦   

      ప్రతి మాసం blood tests, lab reports ల  ప్రహసనం


ఎల్లవేళలా పరిశ్రమ, exercises , walking ల నిరంతర ప్రయాస 
 Sweets కవ్విస్తుంటే diet control బెదిరిస్తుంటే నిరతం నిరాశ

నిద్ర తక్కువ ఆకలి ఎక్కువ, వొద్దు వొద్దన్నాతిండి మీదే ఎల్లప్పుడూ ధ్యాస

ఒళ్ళు భారం , పళ్ళు హీనం, అంతా నొప్పుల మయం
బొక్కలు బలహీనం వీడని నీరసం, వాడని పాయసం
 కళ్ళ అద్దాల ఆభరణం , కాళ్ళు జాగ్రత్త , అవయవాలు జాగ్రత్త
    అంతా జాగ్రత్త , జాగ్రత్త అంటున్న హెచ్చరికల సహాయం
ప్రతి గాయం పర్యవేక్షణ లేకపోతే కోతి పుండు బ్రహ్మ రాక్షసం




         Weight loss కి  అవసాన కాలం
 Meditation, Yoga చేయి చేయి అనే సలహాల వర్షం
            వాటికి చేయూత నివ్వడం కష్టం


  తీపి రక్తం కదా అందుకే నిను చుట్టుముట్టే ఈగలు
      కుట్టే దోమలు , ప్రాకే చీమలు అన్నీ ఎక్కువే

             వేసే చెణుకుల తాళం  

                  

నరాల స్వరహీనం
నాదం రసహీనం
ఖేధ౦ తప్పని శరణం
దైవ స్మరణం


ప్రతీదీ మన్నికైన ఎన్నికే
 నాన్ డయాబిటిక్ లేబులే
ఖరీదూ ఎక్కువే


 Hypoglycemia, Hyperglycemia ల మధ్య సమతుల్యం
     Sugar Reading  ఎక్కువైతే బెదుర్స్
             తక్కువైతే వణుకు  అదుర్స్

గడియారం గంట కొట్టినట్లు daily timetable పరమావధి    

        నిరంతర సమయాపాలనా బడి

ఎన్నాళ్ళిలా? ఇంకొన్నాళ్ళు, కొన్నేళ్ళు
       సాగిద్దా౦  బ్రతుకు బండి
 బాద్యతల బరువులు దించాక
     క్రమశిక్షణ అలవడాక
బ్రతుకు జీవుడా అని విశ్రమిద్దా౦  

ఏ  Organ implant, Hospitalization లేకుండా                                            

    శరీర ధర్మాలని  నిర్వహిద్దా౦
ఈ  లోకం నుండి సమయమాసన్న మైనప్పుడు
    హాయిగా నిష్క్రమిద్దా౦     


                                                                   ఇట్లు 
                                                        మధుమేహ  పీడితుల 
                                                           Autobiography       
          

Transference

        గతం తాలూకు నిశీధి  నీడలు  

             ప్రస్తుతం పైన  ప్రసరించినప్పుడు   

         వ్యక్తుల వ్యథలు రూపం  దాల్చి  

             అపరిచితుల మూసలోకి  ఒదిగి  

                   సంకోచి౦చే ప్రక్రియ Transference

        జీవిత రహదారి వ్యూ మిర్రర్ లో  

    ప్రతిఫలనం చెందే అచేతన, పొగమంచు రూపంలో 

          మసక మసకగా  అగుపి౦చే చిత్రమే  Transference

     

       అచేతనా ఆధిక్యతతో, చేతనా వ్యవస్థను అణచి 

            ఆలోచనా తరంగాలను అధిగమించి      

    మన ప్రస్తుతాన్ని, భవిష్యత్తును ప్రభావితం చేసే

         మానసిక రక్షక తంత్ర౦  Transference  

    

      అంతగా పరిచయంలేని మనుజులు కూడా 

          మనోభావంలో భంధువులలా , సంబ౦ధీకులలా 

      ప్రకటితమయ్యే  విపత్కర స్థితి Transference

        సైకోధెరపి  ప్రతిభావంతమైన ముద్దుబిడ్డ 

           నైపుణ్యం వెల్లివిరిసే కళాశిల్పం

         మానసిక వ్యథలనుండి  విరామాన్ని

             విశ్రామాన్ని అందించే చర్య Transference

       ఎవరు , ఏమిటి, ఎలా , ఎందుకు, ఎప్పుడు వంటి    

               పలు ప్రశ్నలకు సమాధానాలు 

           తెరపిస్ట్ లో సంగమించినప్పుడు 

                  జీవన జ్యోతి రక్షణ౦      

        అంతరంగ సమతుల్యం, మనశ్శాంతి సాఫల్యం 

            జీవితం సాంతం ఆనందడోలికలూగ 

               సాంగత్య ఫలం, స్వర్గ తుల్యం 
                       Transference