RAAGA BANDHAM

తొలిపొద్దు ముద్దుతో మొదలెట్టి ప్రొద్దంతా సంతోషపెట్టి 


సంధ్యవేళ సాంతం సాయం దిగులoదించకు 


రాత్రి నా నయన మేఘవర్షంలో నిద్రపుచ్చకు


ఎటూ తేల్చని అర్థంకాని  అనుక్షణం మారిపోయే 


నీ అనూహ్య  ప్రవర్తనతో  నన్ను తికమక పెట్టకు 


ఆకర్షించకు ఆనందించకు  అవహేళన చేయకు 


                                        ప్రతి అనుభూతిని పూర్తిగా ఆస్వాదించలేని వెలితిని మిగల్చకు 




                  ప్రపంచంతో పోరాడిన భాధాతప్త హృదయం నీకు  చేరువ కావాలని తపిస్తే 


నీ నిరాదరణతో  నిశిలోకి  గెంటకు  నిదుర వేసారిన కనులకు కన్నీటి ఆలంబనే మిగల్చకు 


                                  నిరంతర ప్రయత్నం నిరాశతో నింపకు   

నీతో ఎన్నో పంచుకుని ఆనందించాలనే ఆకాంక్షను 


నీరు గార్చి నీ నిర్లక్ష వైఖరితో వెనుదిరగకు


నీ చూపుకై వెంపర్లాడే  నా అస్థిత్వానికి 


నీ రాకకై ఆతురతో ఎదురుచూసే నా మానసానికి


కేవలం నిస్పృహ మిగల్చకు 


 నిను నాకు పూర్తిగా దూరం చేయకు 


నీవెవరో తెలియని అగంతకునిగా మారకు 


నా మనోనిగ్రహాన్ని దిగాజార్చకు 




ఎంతో ఆర్తితో నీవు కోరుకున్న సాన్నిహిత్యం నే అందిస్తే సంఘర్షణకు లోను కాకు 


నైతికత , సమాజం పేరుతో నను నిలదీయకు 


ఘర్షనతో నను త్రోసి పుచ్చకు ఒంటరి నీడలలో నా కోసం ఎదురు చూడకు 


బెదిరింపులతో , ఆంక్షలతో , మాటలతో , చేతలతో నన్ను హింసించకు 


నీ సమక్షంలో నిర్విరామ భీతితో తల్లడిల్లే  నా అమాయకత్వాన్ని బలిచేయకు 


                           నన్ను విద్రోహిగా మార్చకు 
                                                                                   

              నీ                           


  నీడలో ప్రేమాదరణ


 పరోక్షoలో  నీ ధ్యాస


  చూపుతో సాంత్వన  


కలయికలో తాదాప్యం



 

అందరికంటే నిన్ను ఓ  మెట్టు పైనుంచే  ప్రాముఖ్యo  


    నీపై ఎన్నటికి వమ్ము కాని నమ్మకం  


           నా మానసానికి అందించు 


ఆత్మస్థైర్యంతో జీవిత ఎడారిని  దాటివేయగలిగే సాహచర్యం


               నీవై , నన్ను గెలుచుకో రాగ బంధమా 

Insecure attachment patterns can compromise

 exploration and the achievement of self-confidence.

 A securely attached baby is free to concentrate

 on her or his environment.

 

ATTACHMENT

                         ATTACHMENT STYLES

kakshaa kaarpanyam

         

             కక్ష లో తిరుగుతుoదనుకున్న జీవితo

               సాఫీగా    సాగుతుoదనుకుంటే                                                                                                                

            ఒక చర్య ఒక పలుకు       


         జీవితాన్ని  ప్రక్క త్రోవ పట్టిస్తుంది


       మాట పట్టింపు, అభిజాత్యం 


                                                   కక్ష సాధింపు, నేరారోపణం , 

      మధ్యలో ఉన్నది పసిహృదయమైనా                                                    


    వసి వాడుతుందనే  ఆలోచనే లేకుండా                                      

ప్రతీకారేచ్చ  హద్దులు   దాటుతుంటే 


ఆధిక్యత పొందిన అహం దెబ్బ తిన్న వేళ 

అంత:పరిశీలనం  , న్యాయాన్యాయాలు                                                                                                        

సమంజస అసమంజసాలు                                                                                                                              


అన్నీ గోదారే,  రాదారిలో వెళ్ళే వన్నీ 


త్రొక్కేది అడ్డదారే 

కంప్లైంట్స్ , explanations,  కేసుల పర్వంలో 


దయా, క్షమా మన పదకోశంలోంచి  మరుగైపోతున్న వేళ 


అంతా అన్యాయం , అరణ్య న్యాయo  


భయం రాజ్యమేలడం ,


అవసరం అణగదొక్కడం 


స్వార్థం చెలామణి  అవడం 

టెర్ర్ రిస్టలది  ఒకే గమ్యం 


శా రీరికంగా  చంపడం 

కానీ మనం సత్సంభంధాల మధ్య ఎదగాల్సిన  మనం                                                      


దేశాన్నే ముందుకు నడిపించాల్సిన మనం 

సమాజంలో కురూపులై , క్షుద్ర శక్తులై                                                                                                        


ఒకరినొకరు మాటలతో , దుశ్చర్యలతో  


చిత్రహింసల పాలు  చేసుకొని  క్షణ  క్షణం 


                                        మానసికంగా చంపుకుంటున్న వైనం 


                               నీచాతి నీచం , మన సంస్కారానికీ  , సభ్యతకే   కళంకం 

   EVERY RELATIONSHIP STARTS FROM  FAMILY
AND
SPREADS THROUGH OUT THE WORLD 

vayassu

 ఎదురింటి కుర్రాడు  కన్ను కొట్టినప్పుడే భయం వేసింది

అమ్మ పరుగెత్తకే అసహ్యంగా అనిపిస్తుంది అన్నప్పుడే అపరాధ భావం కలిగింది

 మొదటిసారి మూల కూ ర్చున్నప్పుడు అమ్మమ్మలు అందరూ చేరి

 నన్ను బుట్టబొమ్మలా తయారుచేసినప్పుడే  అనుమానం వచ్చింది

                         నాకు వయసోచ్చిందని

అరవయ్యేళ్ళ   ఓ తాతయ్య అసభ్యంగా ప్రవర్తిoచిప్పుడే  వెగటొచ్చింది


 బస్సులో ప్రతి వెధవా కావాలని తాకినప్పుడే అసహ్యం వేసింది 


నాకు పెళ్లి చేయాలనే చింత అమ్మని వేదిస్తున్నప్పుడే తెలిసొచ్చింది

                      ఆ వయసే నాకు శత్రువని

                                           
“It is easier to live through someone else than to complete yourself. The freedom to lead and plan your own life is frightening if you have never faced it before. It is frightening when a woman finally realizes that there is no answer to the question 'who am I' except the voice inside herself.” 
― Betty Friedan


           అమ్మ నన్ను మొగాళ్ళ ముందు పెళ్లిచూపుల పేరుతో

              షోకేస్లో  బొమ్మలాగా  కుర్చోపెట్టినప్పుడే సిగ్గేసింది


         చుట్టు పక్కల వాళ్ళు , చుట్టాలు ఇప్పుడే సంబంధాలు  చూడండి 


                లేట్   అయితే కష్టం అన్నప్పుడే అర్ధమైంది   


           సంతలో అందమైన సరుకులా  నా వైవాహిక జీవితానికి 


                 ఈ వయసే  పెట్టుబడి  అని       
                                                          

“Each suburban wife struggles with it alone. As she made the beds, shopped for groceries, matched slipcover material, ate peanut butter sandwiches with her children, chauffeured Cub Scouts and Brownies, lay beside her husband at night- she was afraid to ask even of herself the silent question-- 'Is this all?” 
― Betty Friedan, The Feminine Mystique


            కాని  నీవు నన్ను కలిసాక  నా మనస్సుని  మెప్పించాక

             నీలో ఇక్యం కావాలనే కోరిక నాలో ఉదయించాక

                                 నాకు స్పురించింది

                   నా వయస్సు నీ వయస్సుని వలచిందని

                              ఎలుగెత్తి   పిలిచిందని



“A woman knows very well that, though a wit sends her his poems, praises her judgment, solicits her criticism, and drinks her tea, this by no means signifies that he respects her opinions, admires her understanding, or will refuse, though the rapier is denied him, to run through the body with his pen.” 
― Virginia Woolf, Orlando

                                                 

                 నన్ను దూరం ఉండమని నువ్వు నిర్దేశించినప్పుడు

                     నీకు  చెప్పాలనిపించింది

                నీ దరికి వచ్చినప్పుడు  నేను నా వయస్సునే కాదు


                    నా అస్థిత్వాన్నే మరచిపోతానని

                       

               
                   
                     కాని  ఎప్పుడైతే  ఆఖరికి అందరిలా

               నువ్వు కూడా ఆడవయస్సుని  హేళన  చేసావో

                       అప్పుడు అనిపించింది

 నలుగురిలో  నన్ను అవమానంతో తలవంచుకునేలా చేసింది

                                                                                          నన్ను చులకనపాలు చేసింది

                                                                                        నిన్ను వలచిన నా వయస్సేనని


Women have been taught that, for us, the earth is flat, and that if we venture out, we will fall off the edge.  ~Andrea Dworkin


     

                                 

                                   ఓ వయస్సా  నీకు
                    
                                              శత కోటి వందనాలు

                                  శత సహస్ర  ఛీత్కారాలు       
   

Daivam

 గతించిన కాలవాహినిలో  జ్ఞప్తికలు దీపికలై 


 స్వీయ చరిత్ర పై  వెలుగులు  ప్రసరిస్తుంటే 


నిశిలో నీడలకై వెతుకులాటలు  


నిరర్ధక  నిరుప్రయోజనాలై 


నిజం కేవలం నేడే అంటుంటే 


కలకాలం శిల్ప మై  నిలుస్తుందనుకున్న ఓ రూ పం 


చెదరి రూపురేఖలు వేరైనా, సారూప్యతై  కొనసాగి 


దైవమై మది కోనేటిలో  వెలసిన ప్రతిబింబము 


చేరగనీకుమా " కాలగమనమా,  చిత్త చాంచల్యమా "

AMMA

తన ప్రపంచమంతా అమ్మే  అయిన నాడు  


అమ్మకు గుర్తింపు లేదు 


గుర్తిoచిననాడు  తనకు అమ్మలేదు 

Ammavaaru

లోకమంతా  అమ్మే ఉన్నా 


తనకి నీ గుర్తింపు లేదు 


తనని గుర్తిoచిననాడు  నీకు  అస్థిత్వమే లేదు 


అస్థిత్వానికై నీకు తాపత్రయమే లేదు 


అసతోమా........ అమృతంగమయా 

Saannihithyam

 
         ఓ కన్నీటి బిందు రూపమా, చెక్కిలిపై నువ్వు జారుతుంటే 


                 నా నయనాలు ఎరుపెక్కుతున్నాయి ఎందుకు?


        నువ్వు వాటిని విడిచి దిగంతాలకు పరుగు తీస్తున్నావనా ?


         
           ఆర్ద్రతతో నిన్ను తిరిగి రమ్మని పిలిచినా 


             అధోపాతాళానికి జారి నువ్వు


             నీ  అస్థిత్వాన్నే నాశనం చేసుకున్నావు


        మల్లీ    నన్ను చేరే అర్హత నీకెక్కడిదని వాపోతున్నావా
    
             నా తప్త హృదయ ప్రతిబి౦బమా ?


          అస్సలు నా కంటినుండి వీడిపోయావెందుకే  కన్నీటి కెరటమా ?


         
       నాతో  విధి చేలగాటమాడి నన్ను అమ్మ అనే పిలుపుకి దూరం చేసిందని


             జాలితో ఓదార్చాలని నీ ఉనికినే  మాపుకుంటున్నావా  


                     ఓ అమాయక బిందురూపమా ? 




        నా జీవితాన నా తల్లి తో  సహా అందరు నన్ను మోసగించారని 


        నన్ను ఒంటరిగా ఒదలి వేసారని తోడుగా ఉంటానని 


        నా చెక్కిలిని  స్ప్రు శిస్తున్నావా   ఓ  మూగ నేస్తమా?






           వ్యర్ధంగా ఇంకెన్నాళ్ళు  బ్రతుకునీడుస్తావని 


           అనంత విశ్వంలో నా ఉనికీ 


           ఓ అసాశ్వతమైన  బిందువేనని 


            అందులకే నన్ను శతకోటి కోటి బిందువులను వీడి ఒంటరిగా బ్రతుకు పోరాటం సాగించి 


           నీలాగే  నా అస్థిత్వాన్ని  వీడమని సందేశానిస్తున్నావా  ఓ నా కన్నీటి బంధు రూపమా? 






             మనసoటూ  లేని  నేను 


              కేవలం నీటి రూపమైనా , అంతర్వాహినినైనా  


              నేను అనంతవాహినినై  ఉప్పెనలా  ఉప్పొంగి 


               నీ చెక్కిలి మైదానం పై  నిరంతరంగా కాకపోయినా 


               నీలో బాధ మెదిలితే చాలు మురిపెంగా ప్రవహిస్తాను 


               నీలో భాగంగా నీతో కలకాలం మిగిలి ఉంటాను 


                మరి మనసున్న మనుషులకంటే  


                నేనే ఎంతో మేలు కదా అని న్యాయ నిర్ణయం కోరుతున్నావా 


                నా నయన  మేఘ  వర్షమా ? 
       
                                                                                                    ఓ అనాథ                                                                    
                                                                                       కే రా ఫ్  అనాథ శరణాలయం


                               ORPHAN AND DESTITUTE THERAPY 

          
          


         
       


       
            

NENU

గోళాలని నడుపుతున్న కక్ష్య రేఖలా 


సరళరేఖలని కలుపుతున్న ఇన్విసిబల్ ఇంక్ గీతలా 


మేధస్సులను కలగలుపుతున్న క్వాంటం కాంతి రేఖలా 


మనస్సులని ఏకం చేస్తున్న మౌన గీతంలా 


తలరాతలని మమేకం చేస్తున్న నుదిటి గీతలా 


జీవనోదయస్సoధ్యలను లయింప చేస్తున్న జన్మ పునర్జన్మ  వృత్తరేఖలా 


ఆత్మలని  సమైక్యం  చేస్తున్న భగవద్గీతలా


 మజిలీల నడుమ  అగుపించని  అస్థిత్వం 


ద్వందాల మధ్య కనిపించే వ్యక్తిత్వం 


కనిపించీ మురిపిoచీ కనుమరుగైయే  మిధ్యా ప్రపంచ మనస్థత్వం   


ఎక్కడ  జీవన స్థిరత్వం ?  ఎందులో  జీవితానందం ? 


తెలియని  నేను  ,  మోత్తంగా  నేను ,

నాలో నేను, ఎవరికీ అర్ధం కాని నేను 


నను నడిపించే  హస్తంకోసం వెతుకులాడే  నేను ,


దరికి  రాని  తీరాల చేరువ కోసం ఆర్తిగా ఎదురుచూసే  నేను 


నాకే  తెలియని నేను - అంటున్న నేను ,  మరి ఎవరా నేను? 


అచేతన దాని పేరట , ఫ్రాయిడ్ దానికి తండ్రట.    

తెలుసా మీకు 

                కొంగులు 

                                 నవ్వు మువ్వల సవ్వడులు చేస్తాయి 

                                    అలల సమీరాలై నటిస్తాయి 

                                       ఆకాశంలా వర్ణాలు  అద్దుకుంటాయి

                                           మెత్తని గులాబి రేకుల స్పర్శను అందిస్తాయి 

                                                  మరుమల్లెల పరిమళాలను విరజిమ్ముతాయి  

                  నువ్వెప్పుడైనా 

                                               

                                          ఆ అలికిడి విన్నావా ?

                                            ఆ నాట్యం తిలకించావా ?

                                               ఆ పరిమళాన్ని ఆఘ్రానించావా ?

                                                     

               

               కొంగులు 

                                              మదిలో కొంగొత్త కోరికల తాళం వేస్తాయి 

                                                వెచ్చని వలపుల వైనం వివరిస్తాయి  

                                                 తర తరాల సంస్కృతికి ప్రతీకలై 

                                     నిన్నటికి , ప్రస్తుతానికి , రేపటికి ఆనకట్టలు కడతాయి 

                     

                                              కాయ కష్టక్షితి  సుగంధాన్ని పులుముకుంటాయి 

                                                 కరిగి కన్నీరైన వ్యథాకళిత గాధలు వినిపిస్తాయి 

                                                     అలసి చెక్కిట జారే స్వేద సుధా బిందువులని  

                                                         ఆర్ద్రత తో  ఆలింగనం చేసుకుంటాయి

                                                             నొసట జారే కుంకుమ రేఖలను సరిదిద్దుతాయి 

                                             ఛత్రచామరాలై  శీతల వర్షాన్ని ఆపుతాయి 

                                       రగిలే సహజాతానికి నుని సిగ్గుల ఆహ్వానాన్ని పంపుతాయి 

                                  కన్నీరు మున్నీరైన పసితనపు  ధుఖాన్ని అద్ది హృదికి హద్దుకుంటాయి 

                               పసి గమ్యాలై , కన్నెకోరికలై, మాతృత్వపు వేదికలై ఆడతనాన్ని చాటుతాయి   

                          పసి అంగాలని లంగోటిలై రక్షిస్తాయి 

                            తుండు గుడ్డలై దుమ్ము దులుపుతాయి 

                               భాగీరథీ స్రవంతులై మలినాలని కడిగి వేస్తాయి 

                                                ఒద్దికైన గోదావరి  అందానికి ప్రతిరూపాలై చిలిపి సరాగాలై 

                                              స్పందించే మనసుకు రసజ్ఞ ప్రాకృతిక  కావ్యాలై మురిపిస్తాయి 

                                                నవరసాల మాలికలై ప్రపంచాన కళాకండాలై అలరిస్తాయి

                                             సుస్వప్న గీతికలై మురిపిస్తాయి కలల కౌముదిలో కరిగిస్తాయి 

                                                 ఊహల ఊయలలో ఊరేగిస్తాయి

            ఇన్నిటిని ఎప్పుడైనా ఆస్వాదించావా ? 

        

               కొంగులు  

                     

                             వృ షివరులకు తపోభంగం కలిగిస్తాయి 

                        అత్యున్నత వ్యక్తిత్వ పు సౌరభాలు వెదజల్లుతాయి 

                             తత్వ దర్శన నీడలలో మోక్షానికి బాటలు వేస్తాయి 

                          బీడు వారిన జీవితాలకు క్రొత్త చిగురు పూతలు పూయిస్తాయి

               దాహార్తితో చేరదీసిన వారికి అమృతాన్ని పంచుతాయి త్యాగాన్ని చవిచూపిస్తాయి  

                                            కొంగులు కళ్యాణ తోరణాలై 

                                 కౌటుంబిక శుభోదయానికి నాంది పలుకుతాయి 

                అమ్మవారి  శక్తి రూపాలై  వంచన, దోపిడి, అవమానాలను ఎదురుకుంటాయి

                                         స్త్రీ అస్థిత్వాన్ని నిలబెడతాయి 

                                                 తస్మాత్  జాగ్రత్త జాగ్రత్త   

                      

   

                               

     

                 

                                  

                                                      

    

                                  

Achetanaajeevitham

    చిన్నప్పటి  చందమామ కథలు

    రాజులు, రాజకుమారులు, రారాణులు, 

    యువరాణులు, ఎంతైనా  ఆఖరికి గెలిచే ప్రేమ 

    వింత వింత లోకాల సరికొత్త వింత కథనాలు

    అన్ని ఎక్కడికి పోయాయి? 

    ఎక్కడికీ పోలేదు అచేతనలో  నిక్షిప్తమైపోయాయి  

    ఎవరి  హెచ్చరికలు లెక్క చేయని దైర్యం 

 దొంగతనంగా అందింది అందిపుచ్చుకునే నైజం

నిర్లక్ష్యంతో ముందుకు ఉరికే సాహసాల సాంగత్యం  

శ్రమను ఈసడించి సౌఖ్యాన్ని ఆలింగనం చేసుకునే బద్ధకం     
చిన్నికృష్ణుని చిలిపి చేష్టలకు ప్రతీకం 
                    ఇడ్         




 దేవుడికి  దణ్ణం ఉండ్రాళ్ళ మీద చూపుతో మొదలై 
అమ్మ నాన్న నేర్పిన విలువలు మూటగట్టుకుని 
పాఠశాలలో ఆరగించిన చద్దన్న౦లా
  మోరల్ సైన్సు నేమరువేసుకుని 
నైతిక శాస్త్రం , ఆధ్యాత్మికతా  ఆకళింపు చేసుకుని 
ఆదర్శాల బాటలో పయణి౦చాలనే సంకల్పం
విలువల కోసం శ్రమ పరిధిని దాటి 
 తర తమ భేదం మరచి నిస్వార్ధాన్ని పూని 
        సేవకై నిలిచే నైజం 
 అన్ని కలగలసిన సూపర్ ఇగో   




రెంటి మధ్య సమతుల్యం 
ప్రాక్టిక్యాలిటి దీని నామధేయం 
దినచర్యకి అనుగుణంగా మెసలే ప్రాణం    
డబ్బుకి, జబ్బుకి దాసోహం  
అవసరం మేరకే శ్రమించే నైజం 
నిరంతర కష్ట నష్టాల సముదాయం 
                  ఇగో 


జగత్ గురువు బోధించిన తామసిక , రాజసిక, సాత్విక 
స్వభావాలకు నమూనాలు 
ఇడ్, ఇగో, సుపర్ ఇగోలు    


ఇడ్ నేనే అంతా అంటే 
సూపర్ ఇగో నువ్వెంతా దేవుని పాదరేణువంతా  అంటుంది 
ఇగో  స్టూప్ టు కాంన్కర్  అంటుంది  
మనో విజ్ఞాన శాస్త్రం మన జీవితమంతా
 చేతనా అచేతనా ప్రేరణాపూరితం అంటుంది 
                                                                        Psychoanalysis     

Sigmund Freud